عمري : يابعد قلبي وروحي
خذ معك قلبي وروح
عالبعد تكثر جروحي
وأنا ماأقوى عالجروح
إن كتمت دمعي ونوحي
أو سكت ما عدت أبوح
لك وسط زهري ودوحي
ورد بانفاسك يفوح
لك فضحت خافي بوحي
قبل ما تمشي وتروح
كلمة وتعرفني بوضوحي
أعتذر وبكل وضوح
أقبل أعذاري ياروحي
دامك القلب السموح .
***
روحي : ياعمري وروحي
يابلسم جروحي
باسمي لو تبوحي
أجيك وأنا ممنون
لو تتركي عِندك
وأجي أنا عندك
لاني أنا بندّك
مت بسحر العيون
جسمي غدا معتل
قلبي غدا محتل
إنصبت ابمقتل
جيش بعدد مليون
ماقوى على لومي
بصحوي ونومي
صلاتي وصومي
أهواك أنا بجنون
يا أحلى أنسية
لا منتي منسية
و أنا بجنسية
صرت بهواك " ابدون "
بعينك أنا أبرى
وأنتي بي أدرى
كني براس ابرة
ضاق بي هالكون
منك ولوم الناس
ماصار عندي باس
لاصرت دون إحساس
كيف أوصلك وإشلون ؟
من الريح ما أهتز
بوصلك أنا ماأعجز
ولحني ولهو نشّز
وطلع بره التون
بظل على عهدي
بقربي وفبُعدي
وأنتي ترى بعدي
تعيشي وهم وظنون
آه لو تجيني الحين
حرام تضيع اسنين
ردي وعليّا دين
ماتركّ مهما يكون
الأربعاء أغسطس 12, 2009 11:05 pm
